გორის მერმა ვლადიმერ ხინჩეგაშვილმა წარმატებული სტუდენტები დააჯილდოვა. ინფორმაციას ადგილობრივი მუნიციპალიტეტის მერია ავრცელებს. მათი ცნობით, მათ, ვინც ეროვნულ გამოცდებში 100%-იანი გრანტი მოიპოვა, ახალმა მერმა 500 ლარიანი ვაუჩერები გადასცა.

"გორის მერიის განათლების ხელშეწყობისა და თანადაფინანსების პროგრამა წარმატებული აბიტურიენტების წახალისებასა და მოსწავლეების მოტივაციის გაზრდას ისახავს მიზნად", — ნათქვამია ინფორმაციაში.

განცხადებაში აღნიშნულია ისიც, რომ სტუდენტებთან შეხვედრა საინტერესო კითხვა-პასუხის რეჟიმში გაგრძელდა და სამომავლო თანამშრომლობაც დაიგეგმა.