The Office-ის ჯიმი და პემი სერიალების ისტორიაში ერთ-ერთი ყველაზე პოპულარული წყვილია. როგორც აღმოჩნდა, მერვე სეზონში ჯიმისა და პემის დროებითი შემცვლელის, ქეითის კოცნის სცენა უნდა გვენახა. ჯონ კრასინსკიმ სცენის გადაღებაზე უარი თქვა.

ჯონ კრასინსკის თქმით, ეს ერთადერთი შემთხვევა იყო, როდესაც სერიალის შემქმნელებს შეეწინააღმდეგა და სცენის გადაღება გააპროტესტა.

"არსებობს ზღვარი, რომელსაც თუ გადააბიჯებ, მაყურებელი არასდროს დაგიბრუნდება. ვფიქრობ, თუ ჯიმის ღალატს ვაჩვენებდით, ისინი არ დაგვიბრუნდებოდნენ", — ამბობს ჯონ კრასინსკი.

ფოტო: NBC

ქეითისა და ჯიმის კოცნის სცენა ფლორიდაში მივლინების დროს უნდა ყოფილიყო. მიუხედავად იმისა, რომ ჯონ კრასინსკიმ სხვები დაარწმუნა, სერიალის შემქმნელი გრეგ დენიელსი აღნიშნულ იდეას დღემდე ემხრობა.

"ვფიქრობ, მსგავსი ამაღელვებელი მომენტი სერიალში ფანების ჩართულობისთვის კარგი იქნებოდა. მგონი, იცოდნენ, რაც ელოდათ. ისინი ზედმეტად კომფორტულად გრძნობდნენ თავს იმ სერიალთან, რომელსაც უყურებდნენ, ამიტომ აუცილებელი იყო მათი აფორიაქება, თითქოს ცუდ დასასრულს ვუმზადებდი, რის გამოც კარგი დასასრულით ბედნიერები იქნებოდნენ", — ამბობს გრეგ დენიელსი.

სერიალში ქეითის როლს ლინდსი ბროდი ასრულებდა, რომელმაც 2020 წელს საზოგადოებას გაუმხილა, რომ ოფისის ფანებისგან დღემდე ბულინგის მსხვერპლია. მსახიობის თქმით, იმის გამო, რომ სერიალში მისი პერსონაჟ ჯიმისა და პემის ურთიერთობას უქმნიდა საფრთხეს, ფანები პირად შეტყობინებებსა და კომენტარებში ხშირად ემუქრებიან.