ნინო ლომჯარიას განცხადებით, სტრასბურგის სასამართლომ უარი უთხრა სახალხო დამცველის აპარატს ექსპრეზიდენტ მიხეილ სააკაშვილის საქმეში მესამე მხარედ ჩართვაზე. ლომჯარიას განცხადებით, სასამართლო განმარტავს, რომ მსგავსი პროცედურა მხოლოდ არსებითი განხილვის დროს არის შესაძლებელი და არა დროებითი ღონსიძიებისას. მისივე თქმით, იმავე თხოვნით არსებითი განხილვის დროს, აუცილებლად მიმართავენ.

"დღეს მივიღეთ ჩვენ სტრასბურგის სასამართლოსგან წერილი, სადაც ისინი გვეუბნებიან, რომ, სამწუხაროდ, ვერ მიიღებენ ჩვენს თხოვნას დროებითი ღონისძიების პროცესში ინფორმაციის წარდგენაზე, რადგანაც, როგორც სასამართლომ თქვა, ამას მათი პროცედურით სასამართლო ამას მხოლოდ არსებითი განხილვის დროს ითვალისწინებს. ანუ მათ უარი გვითხრეს პროცედურული მოტივით.

მე, როგორც გითხარით, აქამდე ასეთი პრეცედენტი არ არსებობდა, თუმცა ჩვენ მაინც ვცადეთ, რომ შექმნილიყო მსგავსი პრეცედენტი, იმიტომ, რომ პირდაპირ უარი და აკრძალვა სტრასბურგის რეგულაციებში არ ყოფილა", — განაცხადა მან TV პირველის ეთერში.

18 ნოემბერს ომბუდსმენმა სტრასბურგის სასამართლოს მიხეილ სააკაშვილის საქმის დროებითი ღონისძიების პროცესში მესამე მხარედ ჩართვის თხოვნით მიმართა. მისი განმარტებით, თუ სტრასბურგი ამ მოთხოვნას გაიზიარებდა, ექნებოდათ შესაძლებლობა, ინფორმაცია მიეწოდებინათ სააკაშვილის მდგომარეობაზე.

10 ნოემბერს ადამიანის უფლებათა ევროპულმა სასამართლომ მიხეილ სააკაშვილის ადვოკატების სარჩელზე გადაწყვეტილება მიიღო. ექსპრეზიდენტი ითხოვდა სტრასბურგს საქართველოს მთავრობისთვის მისი მრავალპროფილურ საავადმყოფოში გადაყვანა დაევალებინა. სასამართლომ დროებითი ღონისძიება გამოსცა და გადაწყვიტა, რომ მთავრობამ უნდა აცნობოს სააკაშვილის ჯანმრთელობის მდგომარეობის, ისევე როგორც ციხის საავადმყოფოში გაწეული მკურნალობის შესახებ. გარდა ამისა, სასამართლოს გადაწყვეტილებით, მთავრობამ უნდა უზრუნველყოს სააკაშვილის უსაფრთხოება ციხეში და ზოგადად, ასევე, გაუწიოს შესაბამისი სამედიცინო დახმარება შიმშილობის შემდეგ გამოჯანმრთელების დრო