გლდანის ციხის საავადმყოფოსთან სააკაშვილის სამოქალაქო კლინიკაში გადაყვანის მოთხოვნით ქალთა აქცია გაიმართა. მათ მთავრობას სააკაშვილის მულტიფუნქციურ საავადმყოფოში დაუყოვნებლივ გადაყვანისკენ მოუწოდეს.

"არ დავუშვებთ ამ მარიონეტულმა რეჟიმმა შეასრულოს კრემლის დავალება და მოკვდეს მიხეილ სააკაშვილი. ეს არის მათი მიზანი. მაგრამ დაიმახსოვრეთ მიხეილ სააკაშვილის სიკვდილით თქვენ გაცილებით უფრო მძიმე მდგომარეობაში იგდებთ თავს. ამით ზიანდება არა მხოლოდ სახელმწიფო, არამედ თქვენ", — აცხადებენ აქციის მონაწილეები.

ექსპრეზიდენტ მიხეილ სააკაშვილის სამოქალაქო კლინიკაში გადაყვანის მოთხოვნით აქციები თითქმის ყოველდღიურ რეჟიმში იმართება. პოლიტიოსები, სამოქალაქო სექტორის წარმომადგენლები და აქტივისტები ხელისუფლებას მოუწოდებენ სააკაშვილი მულტიფუნქციურ სამედიცინო დაწესებულებაში გადაიყვანო, ხელისუფლება უსაფრთხოების არგუმენტით უარზეა.

სააკაშვილი მისი და მისი ადვოკატების სურვილის საწინააღმდეგოდ გლდანის ციხის სამკურნალო დაწესებულებაში 8 ნოემბერს გადაიყვანეს. სააკაშვილი 48-ე დღეა შიმშილობს.

სტრასბურგის სასამართლოს გადაწყვეტილების შემდეგ მან განაცხადა, რომ შიმშილობას შეწყვეტს, თუ სამოქალაქო კლინიკაში გადაიყვანენ. პასუხად იუსტიციის მინისტრმა თქვა, რომ მოხარული იქნებიან თუ არ იშიმშილებს, მაგრამ დათქმების გარეშე.