დიეუნ ჯონსონმა ღიად გამოთქვა სურვილი, რომ ჯეიმს ბონდის შემდეგ ფილმში მთავარი როლი შეასრულოს.

შეგახსენებთ, რომ წელს გამოვიდა ბონდიანას ჯერჯერობით ბოლო ნაწილი No Time To Die (სიკვდილის დრო არ არის), რომელშიც ჯეიმს ბონდის როლი უკანასკნელად მოიგო მსახიობმა დენიელ კრეიგმა.

ჯერჯერობით უცნობია, ვინ იქნება მისი შემცვლელი.

როგორც ჩანს, დუეინ ჯონსონმა უკვე დაადგა თვალი ვაკანტურ ადგილს: მსახიობმა ხაზი გაუსვა იმ ფაქტს, რომ მისი ბაბუა პიტერ მაივია ჯეიმს ბონდის 1976 წლის ფილმში You Only Live Twice ბოროტმოქმედის როლს ასრულებდა.

"ბაბუაჩემმა შონ კონერთან ერთად ბოროტმოქმედის როლი You Only Live Twice-ში შეასრულა და ეს ძალიან მაგარი იყო. მინდა, მის კვალს გავყვე, თუმცა ანტიგმირობა არ მსურს. მე ჯეიმს ბონდი უნდა ვიყო", — ამბობს ჯონსონი.

ამ საკითხის ირგვლივ დიდი განხილვები მიმდინარეობს: მაგალითად, დენიელ კრეიგმა განაცხადა, რომ შემდეგი ჯეიმს ბონდი ქალი არ უნდა იყოს.

ამასთანავე, კრეიგმა ჯეიმს ბონდის მომავალ შემსრულებელს რჩევაც მისცა: "მე ბევრი რამის თქმა შემიძლია, მაგრამ მთავარი მაინც ის არის, რომ არ ჩაისვარო! ეს როლი უნდა დაისაკუთრო და მთლიანად შენი გახადო. ვფიქრობ, რომ სწორედ ეს არის წინსვლის გზა".

ასე რომ, თუ დუეინ ჯონსონი ოცნებას აიხდენს და შემდეგი ჯეიმს ბონდი გახდება, მას წინ დიდი გამოწვევა ელის.