გირჩი — მეტი თავისუფლების ოფისის სადარბაზოში უცნობმა პირებმა შეურაცხმყოფელი წარწერები გააკეთეს და ნაგავი დაყარეს.

როგორც პარტიის პრესსამსახურში On.ge-ს განუცხადეს, სადარბაზოში იყო გაკრული გირჩის სხვადასხვა აქტივობის ფოტოები, მათ შორის ატოცის აქციის და კედლები წარწერებით კედლები დაზიანებულია. მათივე ცნობით, გასათვალისწინებელია ის, რომ ეს სადარბაზო კულტურული მემკვიდრეობის ძეგლად არის აღიარებული.

7 ნოემბერს გირჩი — მეტი თავისუფლების წევრებმა სუს-ის შენობის წინ ნაგავი დაყარეს და ეზოში ქაღალდის თვითმფრინავები გაუშვეს. ჯაფარიძის თქმით, თვითმფრინავებს აწერია, რომ რევოლუციას ითხოვენ. მისივე თქმით, სახელმწიფო უსაფრთხოების სამსახურთან მივიდნენ, რადგან ის არის მთავარი მორდორი და უწყება, რომელიც არჩევნებს აყალბებს.

მოგვიანებით ჯაფარიძე და პარტიის რამდენიმე წევრი სუს-ის ეზოს დანაგვიანების გამო დააჯარიმეს. აქციაზე მყოფი პირების უმეტესობამ პოლიციას უთხრა, რომ პირადობა თან არ აქვთ, ამიტომ ვიდეოკადრებიდან მოახდინონ იდენტიფიცირება და ისე დააჯარიმონ, ნაწილს კი საჯარიმო ქვითრები იქვე მისცეს.