საქართველოს კლინიკების ასოციაციის ხელმძღვანელი, ვილი პაჭკორია ყოფილი პრეზიდენტის, მიხეილ სააკაშვილის სამოქალაქო კლინიკაში გადაყვანის მოთხოვნით, ჯანდაცვის სამინისტროსთან შიმშილობას იწყებს. მისი განცხადებით, სააკაშვილის სიცოცხლეს გლდანის მე-12 დაწესებულებაში საფრთხე ემუქრება და საჭიროა დროული რეაგირება.

"სასიცოცხლო მნიშვნელობა აქვს სააკაშვილის დროულ გადაყვანას ქალაქის ტიპის მრავალპროფილურ სტაციონარში, სადაც განხორციელდება პოლიპროფილური განყოფილებების მეთვალყურეობის ქვეშ საქართველოს მე-3 პრეზიდენტის, როგორც მკურნალობა, დიაგნოსტიკა, ასევე, სარეაბილიტაციო კურსი. წინააღმდეგ შემთხვევაში, ჯანდაცვის სამინისტროს წინაშე მე, როგორც ექიმი ვაცხადებ შიმშილობას, პაციენტის უფლების დარღვევის გამო და სანამ არ იქნება დაცული საქართველოს მესამე პრეზიდენტის, როგორც პაციენტის უფლება, მე გამოვაცხადებ შიმშილობას და ეს უკიდურესი გადაწყვეტილება უნდა აღსრულდეს აუცილებლად", — უთხრა On.ge-ს პაჭკორიამ.

მიხეილ სააკაშვილი უკვე 43 დღეა შიმშილობს. მან შიმშილობა დაკავების დღიდან გამოაცხადა. მისი სამოქალაქო კლინიკაში გადაყვანის მოთხოვნით დროას ლიდერმა ელენე ხოშტარიამ შიმშირლობა 3 ნოემბერს დაიწყო.

გუშინ, 11 ნოემბერს სააკასვილმა თქვა, რომ შიმშილობას შეწყვეტდა, თუ სამოქალაქო კლინიკასი გადაიყვანდნენ.