ნაციონალური მოძრაობის ლიდერები ჯანდაცვის მინისტრთან, ეკატარინე ტიკარაძესთან შეხვედრას ითხოვდნენ, მაგრამ პოლიციამ ისინი უწყების შენობაში არ შეუშვა. ენმ-ს დეპუტატები სამართალდამცავებს მიუთითებენ, რომ საჯარო შენობაში მათი არშეშვებით კანონს არღვევენ, თუმცა უშედეგოდ.

ზაალ უდუმაშვილმა განაცხადა, რომ ეკატერინე ტიკარაძემ ერთი წარმომადგენელიც კი არ გამოუშვა მათთან სასაუბროდ. ადგილზე შეკრებილები მოუწოდებენ მინისტრს, ხალხს შეხვდეს, სანამ გვიანი არ არის და სკანდირებენ: "ჩამოდი".

ენმ-ს დეპუტატები არ შეუშვეს არც იუსტიციის სამინისტროს შენობაში. სამართალდამცავების უარის გამო დეპუტატებსა და პოლიციას შორის სიტყვიერი შელაპარაკება მოხდა. ანა წითლიძემ განაცხადა, რომ პოლიციელი მას ძველი ბიჭივით ელაპარაკება.

ორივე აქცია პარალელურად იმართებოდა. შეკრებილები უწყებებისგან მოითხოვენ, რომ ექსპრეზიდენტი მიხეილ სააკაშვილი სამოქალაქო კლინიკაში გადაიყვანონ.