ამერიკულ-ქართული განათლების ცენტრი LEAF სტუდენტებს სწავლის გაგრძელებას გერმანიაში, კერძოდ კი ბრემენში სთავაზობს. ცენტრი უნივერსიტეტთან დიდი ხანია თანამშრომლობს, რაც მომავალ სტუდენტებს საშუალებას აძლევს ზუსტი, დეტალური ინფორმაცია მიიღონ ჩაბარებასთან დაკავშირებით. ასევე ცენტრის თითოეულ სტუდენტს აქვთ საშუალება უფასოდ მიიღოს ცენტრის საკონსულტაციო მომსახურება, რომელიც მოიცავს სააპლიკაციო პროცესში სრულ დახმარებას.

Jacobs University არის კერძო უნივერსიტეტი ქალაქ ბრემენში, გერმანიაში, რომელიც 2001 წელს დაარსდა. ის ერთ-ერთი წამყვანი უნივერსიტეტია მსოფლიოს მასშტაბით. უნივერსიტეტში 1500-ზე მეტი სტუდენტი სწავლობს 110-მდე ქვეყნიდან.

პატარა ჯგუფებში სწავლა ეხმარება სტუდენტებს პერსონალური ურთიერთობა ჰქონდეთ პროფესორებთან და ჰყავდეთ ისინი პირად მენტორებად. სტუდენტები აქტიურად არიან ჩართულები კვლევით პროექტებში პირველივე კურსიდან.

მეცნიერების ბაკალავრის კუთხით სტუდენტებს აქვთ საშუალება ისწავლონ: მათემატიკა, კომპიუტერული მეცნიერებები, ინჟინერია, მენეჯმენტი და სხვა.

მედიცინის მიმართულებით: ბიოქიმია და მოლეკულური ბიოლოგია, ქიმია და ბიოტექნოლოგიები, ფიზიკა, გარემოს დაცვითი მეცნიერებები და სხვა.

ხელოვნებისა და მეცნიერებების ბაკალავრის ხარისხის მიმართულებით შეთავაზებული პროგრამებია: გლობალური ეკონომიკა და მენეჯმენტი, საერთაშორისო ბიზნესის ადმინისტრაცია, მედია და პოლიტიკა, საერთაშორისო ურთიერთობები, ფსიქოლოგია და სხვა.

მეცნიერებათა მაგისტრატურის საფეხურზე უნივერსიტეტი სტუდენტებს სთავაზობს ფსიქოლოგიას, Data Science, Data Engineering, Supply Chain Management, ხოლო ხელოვნებათა მაგისტრატურის ხარისხით, საერთაშორისო ურთიერთობებს. სტუდენტებს ასევე შეუძლიათ დოქტორანტურის ხარისხის მოპოვება საბუნებისმეტყველო მეცნიერებების, მათემატიკის, ინჟინერიის, სოციალური და ჰუმანიტარული მეცნიერებების მიმართულებით.

საბაკალავრო საფეხურზე სწავლის წლიური გადასახადია 20 000 ევრო, ხოლო საცხოვრებელ ხარჯებთან ერთად მთლიანი საფასური 28 650 ევროა.

მაგისტრატურის საფეხურზე პროგრამების — Data Science, Data Engineering, Supply Chain Management. წლიური საფასურია 20 000 ევრო. ფსიქოლოგიის მიმართულებით წლიური ღირებულებაა 10 000, ხოლო საერთაშორისო ურთიერთობების პროგრამა უფასოა, რადგანაც ეს არის გაერთიანებული პროგრამა ბრემენის უნივერსიტეტთან.

სტუდენტებს აქვთ საშუალება მიიღონ სხვადასხვა რაოდენობის დაფინანსება, საბაკალავრო დონეზე 5 000 ევრო ყოველწლიურად, ხოლო სამაგისტრო საფეხურზე 3 000 ევრო. მათ ასევე შეუძლიათ ისარგებლონ სტუდენტური სესხით და დამატებითი თანხის გამოსამუშავებლად დასაქმდნენ კამპუსზე სხვადასხვა პოზიციაზე.

ამერიკულ-ქართული განათლების ცენტრ LEAF-ის პარტნიორი უნივერსიტეტის სანახავად შეგიძლიათ ეწვიოთ მათ ვებ-გვერდს.