ტრევის სკოტის ტეხასში გამართულ კონცერტზე 8 ადამიანის დაღუპვამ და კიდევ სხვა ათეულობით პირის დაშავებამ სოციალურ ქსელებში დიდი აღშფოთება გამოიწვია. ყველაზე შემაძრწუნებელი, ალბათ, ის ფაქტია, რომ მიუხედავად ქაოსისა, რასაც ტრაგიკული შედეგიც მოჰყვა, კონცერტი არ შეწყვეტილა.

მართალია, ტრევის სკოტმა განაცხადა, რომ სცენიდან ნათლად ვერ აღიქვამდა, თუ რა ხდებოდა ათასობით მაყურებელს შორის, მაგრამ ბევრი მის სიტყვებს არ ენდობა და მეტიც — არეულობის წახალისებისთვის მას სასამართლოშიც უჩივლეს.

ამის პარალელურად ინტერნეტში უამრავმა ადამიანმა იმ მუსიკალური გამოსვლების გაზიარება დაიწყო, რომლებშიც მომღერლები თაყვანისმცემელთა კეთილდღეობაზე იმდენად ზრუნავენ, რომ მათი ჯანმრთელობისა და უსაფრთხოების უზრუნველსაყოფად შოუებიც კი შეწყვიტეს.

სტატიაში სწორედ 10 ასეთ შემთხვევას გთავაზობთ:

1. კურტ კობეინი

1993 წელს კურტ კობეინმა სიმღერა შეწყვიტა და ხალხში შევარდა, სადაც კაცს დაუპირისპირდა, რომელიც ქალზე სექსუალურად ძალადობდა.

2. ჰარი სტაილსი

2019 წელს ჰარი სტაილსმა კონცერტი შეწყვიტა, რათა გაეგო, გრძნობდა თუ არა ერთ-ერთი მსმენელი თავს კარგად და დახმარებაც გამოიძახა.

3. A$AP Rocky

2019 წელს რეპერმა კონცერტი გააჩერა, რადგან დაინახა, რომ რამდენიმე ადამიანი წაიქცა. შემდეგ კი მსმენელებს დაუყვირა, რომ ისინი წამოეყენებინათ.

@briannawellman

this is the type of energy artists need to have when they spot unsafe things going on in their crowds, always.

♬ original sound - bri 🦋

4. ადელი

2011 წელს გამოსვლის დროს ადელმა შოუ შეწყვიტა, როცა დაინახა, რომ მაყურებელი ცუდად გახდა. ამავდროულად, ყველას ამ ადამიანზე მიუთითა და მოითხოვა, რომ მას დახმარებოდნენ.

5. ბილი აილიში

2018 წელს ბილი აილიშმა კონცერტი შეწყვიტა, რადგან ერთ-ერთი მაყურებელი უგონოდ იყო და წყალი სჭირდებოდა. მომღერალმა გულშემატკივრებს საკუთარი წყალი ესროლა და იკითხა, კიდევ რისი გაკეთება შეეძლო.

6. Fall Out Boy

2014 ფლორიდის კონცერტზე პიტ ვენცმა შენიშნა, რომ წინა რიგებში ერთი ქალი შეუძლოდ გახდა და ჩაიკეცა. მან მაყურებლებს დახმარებისკენ მოუწოდა და აღნიშნა: "სამყაროში ყველაზე მნიშვნელოვანია ის, როცა ვიღაც ეცემა, ჩვენ კი მას წამოდგომაში ვეხმარებით".

7. ლედი გაგა

მომღერალმა შოუ შეწყვიტა, როცა ფანის სისხლიანი სახე შენიშნა. გაგამ ექიმებს მოუხმო და ფანს ბოდიში მოუხადა იმის გამო, რომ სხვისი ხელი სახეში მოხვდა.

8. Green Day

როცა მაყურებლებში აგრესია შენიშნა, ბილი ჯო არმსტრონგმა სიმღერა შეწყვიტა და მათ უსაყვედურა, რომ "ბავშვები აქ კარგი დროის გასატარებლად მოდიან და ზედმეტი დაძაბულობა არ არის საჭირო".

9. Foo Fighters

2011 წელს ლონდონში დეივ გროლმა შეწყვიტა სიმღერა, როცა დაინახა, რომ ერთი კაცი ჩხუბს იწყებდა. მას აგრესიულად მიმართა, შოუდან წასვლა მოსთხოვა და მიუთითა, რომ მის კონცერტზე ხალხი საცეკვაოდ მიდის და არა საჩხუბრად.

10. და ბოლოს, Linkin Park

2001 წლის კონცერტზე ჩესტერ ბენინგტონმა სიმღერა შეწყვიტა და დაიყვირა, რომ იატაკზე წაქცეული ფანი მაშინვე წამოეყენებინათ. მან ასევე აღნიშნა, რომ "უსაფრთხოება ყველაზე მნიშვნელოვანია, რაზეც ყველამ ერთად უნდა ვიზრუნოთ".