პარტია დროას ლიდერის, ელენე ხოშტარიას მხარდასაჭერად პარლამენტის წინ ექვსმა ადამიანმა შიმშილობა დაიწყო. როგორც ერთ-ერთი მოშიმშილე თამაზ ჭავაძე On.ge-სთან ამბობს, მოშიმშილეები ხოშტარიას გვერდით დგანან.

ფოტო: მარიამ ქავთარაძე/On.ge

"მიზეზი ერთია, მთელი საქართველო ამ მიზეზით არის გამოსული ქუჩაში. მაგრამ როგორც ასეთი, პროტესტის სხვა ფორმა, როგორიც არის შიმშილი გამოვაცხადეთ ხოშტარიას მხარდასაჭერად. ცალკე ჩვენ არანაირი პრობლემა არ გვაქვს, ხოშტარიას ვუჭერთ მხარს და ხოშტარიას თამადობით, ჩვენ ვითხოვთ ჩვენი პრეზიდენტის გათავისუფლებას", — თქვა თამაზ ჭავაძემ.

ფოტო: მარიამ ქავთარაძე/On.ge

ელენე ხოშტარიამ შიმშილობა 3 ნოემბერს დაიწყო. მისი თქმით, შიმშილობას არ შეწყვეტს მანამ, სანამ მესამე პრეზიდენტს, მიხეილ სააკაშვილს სამოქალაქო კლინიკაში არ გადაიყვანენ.

მიხეილ სააკაშვილი პენიტენციურ დაწესებულებაში უკვე 35 დღეა შიმშილობს. მან შიმშილობა დაკავების დღიდან გამოაცხადა. მას შემდეგ, რაც ექსპრეზიდენტმა შიმშილობა დაიწყო, ექიმები აღნიშნავენ, რომ მისი ჯანმრთელობის მდგომარეობა სუსტია. მხარდამჭერები და თანაგუნდელები სააკაშვილს შიმშილობის შეწყვეტისკენ მოუწოდებენ.