ქართული ოცნების აღმასრულებელი მდივანი, მამუკა მდინარაძე ამბობს, რომ ხელვაჩაურში ოპოზიციის მერობის კანდიდატი აქტივისტებთან ერთად გეგმავს, "შევარდეს" რამდენიმე საარჩევნო უბანზე.

"თქვენ მინდა გამცნოთ, ასე ვთქვათ, ნაცმოძრაობის ძალიან ცუდი გეგმების შესახებ. მათ შორის პირველი მონაცემი, რაც ჩვენთან ინფორმაცია შემოვიდა არის ხელვაჩაურიდან, სადაც მიშა ბოლქვაძე, თუ არ ვცდები, მერობის კანდიდატი ნაცმოძრაობიდან გეგმავს თავის რამდენიმე მხარდამჭერთან ერთად, ნაცმოძრაობის აქტივისტებთან ერთად, შევარდეს რამდენიმე საარჩევნო უბანზე, ხელი შეუშალოს ხმის დათვლის პროცედურას. ვაფრთხილებ ყველას ძალიან მკაცრად, ნურავინ შეეცდება ასეთ სიგიჟეებს", — თქვა მდინარაძემ.

არჩევნების მეორე ტურის დასრულებისთანავე გამოქვეყნდა ეგზიტპოლის ორი განსხვავებული შედეგი. მთავარი არხის ეგზიტპოლით, ოპოზიცია მეორე ტურში ყველა დიდ ქალაქში იგებს. ამ კვლევის მიხედვით თბილისში ნიკა მელიამ 51% მიიღო, ქართული ოცნების კანდიდატმა, კახა კალაძემ კი — 49%. რაც შეეხება ტელეკომპანია იმედის დაკვეთით ჩატარებულ ეგზიტპოლის შედეგების, ამ კვლევის მიხედვით 4 დიდ ქალაქში მმართველი გუნდის კანდიდატები იგებენ. იმედის ეგზიტპოლით თბილისში კახა კალაძემ აიღო 57,2%, ხოლო კახა კალაძემ — 42,8%.