ახალი ფილმის გამოსვლისთანავე ერთ-ერთი პირველი, რასაც კინოკრიტიკოსები თუ ჩვეულებრივი მაყურებლები ამჩნევენ და აფასებენ, მსახიობების ოსტატობაა. კინოსამყაროში ვარსკვლავებს მათი შესრულებული როლებისთვის ხშირად აკრიტიკებენ, თუმცა არც ისე ხშირია შემთხვევები, როცა აღნიშნული ვარსკვლავები საკუთარ შესრულებას თავადვე იწუნებენ და ამაზე საჯაროდ საუბრობენ.

1. მერილ სტრიპი — ფრანგი ლეიტენანტის საყვარელი (The French Lieutenant's Woman)

მიუხედავად იმისა, რომ ფილმში შესრულებული როლისთვის ლეგენდარულმა მერილ სტრიპმა ოსკარის ნომინაცია მოიპოვა, თავად თვლის, რომ ზედმეტად ახალგაზრდა იყო და ისე ვერ ითამაშა, როგორც საჭირო იყო.

2. ბრედ პიტი — 12 მაიმუნი (12 Monkeys)

რაც არ უნდა გასაკვირი იყოს, ბრედ პიტი 12 მაიმუნში შესრულებული როლით კმაყოფილი სულაც არაა. მსახიობი თვლის, რომ მართალია, ფილმის პირველ ნაწილს თავი მშვენივრად გაართვა, თუმცა მეორე ნაწილს ალღო ვერ აუღო, რაც მის შესრულებაზეც აისახა და ამან ძალიან გააღიზიანა.

3. კრისტიან ბეილი — ბნელი რაინდის ტრილოგია (The Dark Knight)

კრისტოფერ ნოლანის საოცარი ტრილოგიის ბეტმენი თვლის, რომ სუპერგმირის როლს თავი სათანადოდ ვერ გაართვა და, როგორც ჩანს, ამაში "დამნაშავე", ნაწილობრივ, ჰიტ ლეჯერიცაა, რომელმაც ჯოკერის როლი მოირგო.

"ტრილოგიით იმას ვერ მივაღწიე, რისი იმედიც მქონდა...ჰიტი [ლეჯერი] გამოჩნდა და ჩემი ყველა გეგმა ჩაშალა, რადგან ვფიქრობდი: 'ის ჩემზე გაცილებით უკეთესია, საერთოდ რას ვაკეთებ?" — განაცხადა მან ერთ-ერთ ინტერვიუში.

4. დენიელ რედკლიფი — ჰარი პოტერის ფილმები

მართალია, ჰარი პოტერის როლმა დენიელ რედკლიფს საოცარი წარმატება მოუტანა, თუმცა თავად მსახიობი საკუთარი შესრულების მიმართ კრიტიკულია. დენიელი განსაკუთრებით ჰარი პოტერის მეექსვე ფილმში — ჰარი პოტერი და ნახევარპრინცში შესრულებული როლითაა უკმაყოფილო.

"შეცდომებს, რომელთაც სხვა მსახიობები რეპეტიციისას ან სამსახიობო სკოლაში უშვებენ, ფილმში ყველა ხედავს", — აღიარა მან.

5. ქეით უინსლეტი — ტიტანიკი (Titanic)

მართალია, ქეითს ფილმი ძალიან უყვარს, მაგრამ იმავეს საკუთარ შესრულებაზე ვერ იტყოდა. ქეითი თვლის, რომ მისი ამერიკული აქცენტი საშინელებაა და როლის განსხვავებულად შესასრულებლად წარსულში დიდი სიამოვნებით იმოგზაურებდა.

6. კეტრინ ჰეილი — გრეის ანატომია (Grey's Anatomy)

მიუხედავად იმისა, რომ 1 წლით ადრე სერიალში შესრულებული როლისთვის ემი მოიპოვა, 2008 წელს კეტრინ ჰეილმა ნომინაციაზე უარი თქვა, რადგან თვლიდა, რომ მისი შესრულება საკმარისად კარგი არ იყო.

7. პირს ბროსნანი — ჯეიმს ბონდის ფილმები

"არ მაქვს სურვილი, ჩემს თავს ჯეიმს ბონდის როლში ვუყურო, რადგან საკმარისად კარგი არასდროს ვიყავი. საშინელი გრძნობაა", — განაცხადა ცნობილმა აგენტმა 007-მა.

8. ანია ტეილორ-ჯოი — ალქაჯი (The Witch)

როგორც აღმოჩნდა, ლაზიერის გამბიტის ვარსკვლავს საკუთარი ფილმოგრაფიიდან ერთ-ერთ ყველაზე ცნობილ ნამუშევარში შესრულებულ როლი სძულს.

"ვფიქრობდი, რომ აღარასდროს ვიმუშავებდი — ამაზე ფიქრის დროსაც კი მაცახცახებს. ეს საშინელი ფიქრი იყო იმისა, რომ 'ადამიანებს, რომლებიც ამქვეყნად ყველაზე მეტად მიყვარს, იმედი გავუცრუე.' არასწორად ვითამაშე", — იხსენებს მსახიობი.

9. უილ სმიტი — კაცები შავებში (Men in Black)

საკუთარი შესრულებით უკმაყოფილო ვარსკვლავთა სიაში უილ სმიტიცაა, რომელიც Men in Black-ში ცნობილი როლის შესრულებით აღფრთოვანებული სულაც არაა. მსახიობს პირველ ნაწილთან პრობლემა არ აქვს, თუმცა მისი მეორე ან/და მესამე (არ დაუკონკრეტებია) ნაწილი ტკბილად არ ახსენდება.

10. ადამ დრაივერი — ლიუენ დეივისის შინაგანი სამყარო (Inside Llewyn Davis)

ადამ დრაივერს იმდენად სძულს ამ ფილმში საკუთარი სიმღერა, რომ გადაწყვიტა, საკუთარ ფილმებს აღარასდროს უყუროს. როგორც ჩანს, მისი ფილმებით ტკბობის სიამოვნება მხოლოდ მის გულშემატკივრებს აქვთ.