"უკვე ძაან სასაცილო გახდა ეს ღარიბაშვილი. ახლა დააკვირდით, სამეგრელოში დაიარა და ყველა რაიონში დადის და შხამს ანთხევს", — ასე პასუხობს ფოთის მერობის კანდიდატი გიგი უგულავა პრემიერმინისტრის, ირაკლი ღარიბაშვილის განცხდებებს. მისი თქმით, სამარცხვინოა, რომ პრემიერმინისტრი დადის ქალაქ-ქალაქ და საარჩევნოდ მათხოვრობს.

"აი, ახლა ჩვენ ვართ კონსტიტუციის ქუჩაზე, ეს ქუჩა ქუჩას გავს? ასე არის 80% ფოთის. იცის ღარიბაშვილმა, რომ ის ხალხი ვინც გვერდზე ედგნენ ბატონი ხახუბია, ბატონი ლატარია და მათი ხელის ბიჭი მერობის კანდიდატი, ეს ხალხი რომ აყროლებს თევზის სუნად, იცის რომ ეს ხალხია დამნაშავე?" — ამბობს უგულავა ფორმულასთან.

დღეს, 22 ოქტომბერს ირაკლი ღარიბაშვილი წინასაარჩევნოდ ფოთში იმყოფებოდა. მან განცხადებების უმეტესი ნაწილი ისევ ნაციონალური მოძრაობის კრიტიკას დაუთმო და აღნიშნა, რომ გიგი უგულავა "ყველაზე თვალსაჩინო კორუმპირებული კაცია". ასევე თქვა, რომ უხერხულობა შეექმნება ფოთის მერობის კანდიდატს გიგი უგულავას და ოპოზიციას "არ მიეცემა საშუალება და ფუფუნება იმისა, რომ თავისუფლად გადაადგილდნენ".

ამავე თემაზე: