დეპუტატმა, არმაზ ახვლედიანმა პარლამენტის თავმჯდომარეს, კახა კუჭავას პლენარული სხდომის შეწყვეტისკენ მოუწოდა, რათა უმრავლესობას ერთად განეხილა, რა ხდება. კერძოდ, აინტერესებდა უმრავლესობის პასუხი კითხვაზე, სხდომათა დარბაზში დარჩენილ 5-6 პარლამენტარსაც, რატომ "ვეღარ იტანენ".

"მე მინდა მოგიწოდოთ ბატონო თავმჯდომარე, რომ შევწყვიტოთ სხდომა, შეიკრიბოს თქვენი უმრავლესობა და განიხილეთ რა ხდება — რატომ ხდება, რომ პარლამენტში დარჩენილ სხდომათა დარბაზში დარჩენილ 5-6 ოპოზიციონერსაც ვეღარ გვიტანთ? ასე პარლამენტი ვერ გააგრძელებს მუშაობას", — თქვა ახვლედიანმა.

კახა კუჭავამ ახვლედიანს უთხრა, რომ ამ თემაზე უმრავლესობის წარმომადგენლებს შეუძლია მოგვიანებით ესაუბროს. სხდომა კი, მისი თქმით, ვერ შეწყდებოდა.

ქართული ოცნების დეპუტატებს მსგავსი თემაზე ესაუბრა ლელოს ლიდერი, მამუკა ხაზარაძეც და მათ ჰკითხა: "რამ გაგაბოროტათ ასე? რა არის ეს ზიზღის ენა?"

ამ თემაზე ისაუბრა გირჩის ლიდერმა, იაგო ხვიჩიამაც. მან აღნიშნა, რომ პარლამენტი აღარაფერზე საუბრობს "ნაცების გინების" გარდა, მაშინ როცა პარლამენტში ამ პარტიის დეპუტატები არ არიან.