ევროპაში აშშ-ის სამხედრო ძალების ყოფილი ხელმძღვანელი, ბენ ჰოჯესი აცხადებს, რომ ერთადერთი, ვინც სარგებელს იღებს მიხეილ სააკაშვილთან დაკავშირებით შექმნილი სიტუაციიდან, კრემლია.

"ქართველების უსაფრთხოება ძალიან მნიშვნელოვანია და ეს დამოკიდებულია არამხოლოდ თქვენს მეგობრებზე დასავლეთიდან, თურქეთიდან და აზერბაიჯანიდან, ქართველები უნდა იყვნენ ძალიან ძლიერები, კორუფციას უნდა ებრძოლოთ, რუსულ კორუფციას უნდა ებრძოლოთ და გქონდეთ წარმატებული ინსტიტუციები.

ეს არ ხდება იმიტომ, რომ თქვენ, უბრალოდ, გაახაროთ ამერიკის შეერთებული შტატები, ეს ხდება იმისთვის, რომ ქართველებმა თავი დაიცვან კრემლის აგრესიისგან და ერთადერთი, ვინც სარგებელს ნახულობს ამ სიტუაციისგან, რაც დაკავშირებულია სააკაშვილთან, არის კრემლი და კრემლის მხარდამჭერები", — განაცხადა ჰოჯესმა ფორმულას ეთერში [ფორმულას თარგმანი].

სააკაშვილი პირველ ოქტომბერს დააკავეს. მან იმავე დღეს შიმშილობა გამოაცხადა. ექსპრეზიდენტი უკვე მე-18 დღეა შიმშილობს.