საქართველოში აშშ-ს ელჩის, კელი დეგნანის განცხადებით, ისინი ყურადღებით აკვირდებიან მიხეილ სააკაშვილის მდგომარეობას. ექსპრეზიდენტთან დაკავშირებით დასმული კითხვის საპასუხოდ დეგნანმა წინასაარჩევნო გარემოზე ისაუბრა და განაცხადა, რომ საელჩოს ამ ამაზე აქვს ძირითადი ყურადღება გამახვილებული.

"მსურს დაგარწმუნოთ, რომ აშშ-ს საელჩო და ვაშინგტონი ყურადღებით აკვირდება მის [მიხეილ სააკაშვილის] მდგომარეობას და არსებულ სიტუაციას.

მიმაჩნია, რომ არსებობს სივრცე, რომ პარტიების მხრიდან ყურადღების გადატანა მოხდეს არჩევნებზე, ამომრჩეველთან ურთიერთობაზე პროგრამების, იდეების და პლატფორმების გაცნობის კუთხით; კანდიდატებმა შეძლონ პლატფორმების, კამპანიების გამოყენება. ძალიან მნიშვნელოვანია, რომ მომავალი პერიოდი იყო მშვიდი და შეიქმნას შესაბამისი გარემო არჩევნების ჩასატარებლად. ძირითადად ამ საკითხებზე გვაქვს ყურადღება გამახვილებული და დავაკვირდებით ბატონი სააკაშვილის მდგომარეობასაც [საზოგადოებრივი მაუწყებლის თარგმანი]", — განაცხადა კელი დეგნანმა.