საქსტატის მონაცემებით 2016 წელს, წინა წელთან შედარებით, ტრანსპორტის მოძრაობის უსაფრთხოების ან ექსპლუატაციის წესის დარღვევისთვის მსჯავრდებულთა რაოდენობა 61-ით გაიზარდა. თუკი, 2015 წელს სულ 743 შემთხვევისთვის დააკავეს ადამიანი, 2016 წელს ეს მონაცემი 804-ს გაუტოლდა.

გასულ წელს ამ დანაშაულისთვის მსჯავრდებული ადამიანების რაოდენობა ბოლო ხუთ წელში ყველაზე მაღალია. თუმცა, 2017-2011 წლებში ეს მონაცემი წლევანდელ მონაცემებს აჭარბებდა და რიგ შემთხვევაში კი ათასსაც ცდებოდა.

საქსტატის მიერ გასაჯაროებულ მონაცემებში ამ დანაშაულით დაკავებული ადამიანების რიცხვი 2001 წლიდან - 2016-წლამდე მონაცემებს მოიცავს. ამ პერიოდში ტრანსპორტის მოძრაობის უსაფრთხოების ან ექსპლუატაციის წესის დარღვევისთვის მსჯავრდებული მოქალაქეების რაოდენობა ყველაზე ნაკლები 2001-2006 წლებში იყო და 233-დან 618-მდე მერყეობდა.