ამერიკულ-ქართული განათლების ცენტრის ორგანიზებით 2021 წლის 9 ოქტომბერს, 12:00 საათიდან 17:00 საათამდე გაიმართება განათლების საერთაშორისო ვირტუალური გამოფენა. ღონისძიების სპონსორები არიან: IE University, Mt. San Antonio College, CBS International Business School და EU Business School. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია საზღვარგარეთ სწავლის, უნივერსიტეტებისა და მათი პროგრამების შესახებ. მათ შეეძლებათ პირადად დაუკავშირდნენ უნივერსიტეტების წარმომადგენლებს და დაუსვან მათთვის საინტერესო კითხვები.

გამოფენაზე ასევე გაიმართება ოქროს სპონსორების სემინარები, რომელზე დასწრებაც საშუალებას მოგცემთ მეტი ინფორმაცია მიიღოთ მათ შესახებ.

სემინარების განრიგი:

  • Mt. San Antonio College — 13:00 საათზე;
  • IE University — 14:00 საათზე.

რეგისტრაცია და მონაწილეობის მიღება სრულიად უფასოა. მონაწილეობის მისაღებად საჭიროა დარეგისტრირდეთ შემდეგ ბმულზე: leafonlinefair.com

მაუნთ სან ანტონიოს კოლეჯი არის ამერიკული საზოგადოებრივი კოლეჯი (Community College), რომელიც ქალაქ ვოლნათში, კალიფორნიის შტატში მდებარეობს. კოლეჯი 1945 წელს დაარსდა, ხოლო ოფიციალური მუშაობა 1946 წლის 1 ივლისს დაიწყო. სან ანტონიოს კოლეჯი იმ დროისთვის იყო ერთ-ერთი პირველი უნივერსიტეტი, რომელმაც კარი გაუღო სტუდენტებს სხვადასხვა ქვეყნიდან და ხელი შეუწყო მათ მომზადებას სხვადასხვა პროგრამის მიმართულებით.

კოლეჯში სტუდენტებისთვის 260-ზე მეტ სასწავლო ხარისხი და სასერტიფიკატო პროგრამაა ხელმისაწვდომი. ასევე კოლეჯი 25-ზე მეტ მხარდამჭერ პროგრამას, 50-ზე მეტ სტუდენტურ კლუბსა და სპორტულ პროგრამას სთავაზობს მის სტუდენტებს, განურჩევლად მათი წარმომავლობისა.

სან ანტონიოს კოლეჯში მომავალი სტუდენტებისთვის პროგრამების მრავალფეროვანი ჩამონათვალია:

  • 3000-ზე მეტი ონლაინ კურსი სხვადასხვა სფეროში
  • საბაკალავრო ხარისხისთვის მოსამზადებელი კურსები
  • სასერტიფიკატო და კარიერული განათლება
  • პროფესიული პროგრამები
  • მოზარდთა განათლება
  • საზოგადოებრივი კურსები

კოლეჯის საფასური საერთაშორისო სტუდენტებისთვის დამოკიდებულია აღებულ კრედიტებსა და თითო კურსის ხანგრძლივობაზე. უცხოელი სტუდენტები სწავლის, კვებისა და ცხოვრების ხარჯის ჩათვლით იხდიან დაახლოებით 24 000 აშშ დოლარს. უნივერსიტეტი თითოეულ სტუდენტს სთავაზობს სტიპენდიისა და გრანტის მოპოვების შესაძლებლობას, რათა სწავლის შესაძლებლობა მაქსიმალურად მიეცეთ მათაც, ვისაც სრული ღირებულების დაფარვა არ შეუძლიათ.

თქვენ გაქვთ შესაძლებლობა პირადად შეხვდეთ უნივერსიტეტის წარმომადგენელს განათლების საერთაშორისო ვირტუალურ გამოფენაზე 9 ოქტომბერს, 12:00 საათიდან 17:00 საათამდე. შემოგვიერთდით: https://leafonlinefair.com/