ევროპული საქართველოს ერთ-ერთი ლიდერი და საპარლამენტო უმცირესობის წევრი ელენე ხოშტარია პარლამენტის წევრებს მიმართავს, ქვეყანაში არსებულ ნარკოპოლიტიკაზე კონკრეტული რეაგირება მოახდინონ:

"მეგობრებო თქვენ მოხვედით ხელისუფლებაში ლიბერალიზაციის და სამართლიანობის ლოზუნგით და ყველა ამ მიმართულებით თქვენ ჩათვალეთ, რომ უნდა შეიქმნათ კომფორტის ზონა, ძალაუფლებით ტკბობის სივრცე და არ ისწავლოთ არცერთ შეცდომაზე წარსულიდან".

ხოშტარია ასევე მხარს უჭერს საზოგადოებრივ პროტესტს და იზიარებს შეხედულებას, პოლიციის თანამშრომლების მხრიდან ძალადობრივი ნარკოპოლიტიკის გატარების შესახებ:

"პოლიცია არის გადასული პირდაპირ თავისუფალი, წესიერი მოქალაქეების ტერორზე, ჩხრეკვაზე, იძულებით გადაყვანაზე ნარკოლოგიური შემოწმებისთვის და ასევე ნარკოტიკების ჩადებაზე.

ნუ ჩაიკეტებით პარლამენტში, ნუ დახუჭავთ თვალს უსამართლობაზე და როგორც დეპუტატები, რომლებიც ვალდებული ხართ ხალხის და არა ბიძინა ივანიშვილის წინაშე, გაეცით პასუხები რეპრესიული პოლიტიკის შესახებ".