ევროპის საბჭოს კონგრესის პრეზიდენტი დე-ფაქტო აფხაზეთში არჩევნების ჩატარებასა და სამხრეთ ოსეთის პრეზიდენტის მიერ რეგიონის სახელის შეცვლაზე რეფერენდუმის დაანონსებას გამოეხმაურა. გუდრუნ მოსლერ-ტორსტროს განცხადებით, ორივე პროცესი არის უკანონო, აფერხებს საქართველოს ლეგიტიმური სუვერენიტეტის გავრცელებას ამ ორ რეგიონზე და ხელს უწყობს რეგიონების შემდგომ იზოლირებას საერთაშორისო თანამეგობრობისგან.

"ევროპის საბჭოს კონგრესი ყოველთვის მტკიცედ უჭერდა მხარს წევრი ქვეყნების ტერიტორიულ მთლიანობას და ჩვენ გვჯერა, რომ ეს ერთიანობა არის ჩვენს ქვეყნებში რეგიონული განზომილების განვითარების პირველი გარანტია," - განაცხადა ევროპის საბჭოს კონგრესის პრეზიდენტმა.