აჭარის მთავრობის თავმჯდომარე, თორნიკე რიჟვაძე ქვეყანაში შემოსვლის შესახებ მიხეილ სააკაშვილის მიერ გავრცელებულ ინფორმაციაზე ხუმრობს.

"ქეიფობდნენ კურორტ გოდერძიზე, მოუვიდათ ცოტა მეტი ქეიფი და დღეს ითხოვეს, გვაცადეთ ცოტა მოგვიანებით ჩაგბარდეთო" — აცხადებს ის და ამატებს, რომ ეს "რადენიმესაათიანი ეიფორია" მალე გადაივლის.

მისი თქმით, ვინც სახელმწიფო საზღვარს დაარღვევს, ყველას დააკავებენ. მან აღნიშნა, რომ ქვეყანაში "მოდელირებული ქრონიკის" შექმნა დასრულდება.

"ვინც ჩვენს სახელმწიფო საზღვარს დაარღვევს, ყველა იქნება დაკავებული, განსაკუთრებით ის სუბიექტები, რომელთა მიმართაც არის სისხლის სამართლის საქმეებზე კონკრეტული განაჩენი დამდგარი. ამიტომ ზემდეტ ეიფორიას არ გირჩევთ, ეს იქნება რამდენიმე საათიანი აჟიოტაჟი და ხვალ, ძალიან მალე, ეს არჩევნებიც დასრულდება და როგორც უკვე ვთქვი, ერთის მხრივ, ჩვენი ქვეყანა განაგრძობს მშვიდ და სტაბილურ განვითარებას ჩვენი ხელისუფლების პირობებში და მეორეს მხრივ, დამთავრდება ამ მოდელირებული ქრონიკების შექმნა, მოდელირებული გამარჯვებების შექმნა ნაციონალური მოძრაობის მხრიდან", — თქვა თორნიკე რიჟვაძემ.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: