თურქეთში 50 წლის კაცი, სახელად ბეიჰან მატლუ რამდენიმე დღის წინ სახლიდან მეგობრებთან ერთად დასალევად გავიდა. ალკოჰოლის ზემოქმედების ქვეშ მყოფი ბეიჰანი ტყეში შევიდა, თუმცა უკან დროულად დაბრუნება ვერ მოახერხა. მისმა ცოლმა და მეგობრებმა პოლიციას მიმართეს და სამძებრო სამუშაოები დაიწყო.

ტყიდან გამოსული ბეიჰანი შემთხვევით მაშველებს გადაეყარა და მათ გაუცნობიერებლად საკუთარი თავის მოსაძებნად შეუერთდა. ბეიჰანი საკუთარ თავს რამდენიმე საათის განმავლობაში ეძებდა. მხოლოდ მაშინ მიხვდა, რომ საკუთარ თავს ეძებდა, როცა მაშველებმა მისი სახელის ყვირილი დაიწყეს.

"აქ ვარ", — უთხრა მან მაშველებს, მოგვიანებით კი პოლიციას საქმის ვითარება გააცნო.

"ძალიან მკაცრად არ დამსაჯოთ, ოფიცერო. მამაჩემი მომკლავს", — უთხრა ბეიჰანმა პოლიციას.

კაცი პოლიციელებმა სახლში დააბრუნეს, თუმცა ჯერჯერობით უცნობია, დააჯარიმებენ თუ არა მას.