კინოდოკუმენტალისტებისა და სამოქალაქო საზოგადოების ახალი შესაძლებლობები
![](http://ross.on.ge/2017/03/21/cinedoc.jpg)
23 მარტს 12:00 საათზე, ფონდ ღია საზოგადოება საქართველოს დარბაზში (ჭოველიძის ქ.10) გაიმართება პრესკონფერენცია თემაზე: კინოდოკუმენტალისტებისა და სამოქალაქო საზოგადოების პარტნიორობის ახალი შესაძლებლობები.
Civil Pitch საერთაშორისო დოკუმენტური კინოფესტივალის, CineDoc Tbilisi-ის ერთ-ერთი უმნიშვნელოვანესი ნაწილია. ის არასამთავრობო ორგანიზაციებს საშუალებას აძლევს, გაიცნონ ამა თუ იმ თემით დაინტერესებული რეჟისორები და პროდიუსერები მომავალი თანამშრომლობის პერსპექტივით.
რეჟისორებსა და პროდიუსერებს ხშირად სჭირდებათ ინსპირაცია ან კონკრეტული ისტორიები დოკუმენტური ფილმის შესაქმნელად, რისი უზრუნველყოფაც ამა თუ იმ სფეროში დიდი გამოცდილების მქონე ორგანიზაციებს შეუძლიათ, ხოლო სამოქალაქო აქტივისტებისთვის ეს საზოგადოებასთან დიალოგის გზაზე წინ გადადგმული ნაბიჯია. თანამშრომლობის შედეგად შეიძლება შეიქმნას დოკუმენტური ფილმები ადამიანის უფლებებსა და გარემოს დაცვასთან დაკავშირებულ საკითხებზე, სამოქალაქო ცნობიერების ამაღლებაზე და ა.შ
პროექტში მონაწილეობა შეუძლია ნებისმიერ რეჟისორსა და პროდიუსერს, რომელსაც განხორციელებული აქვს სულ მცირე ერთი აუდიოვიზუალური პროექტი (მოკლე ან სრულმეტრაჟიანი ფილმი), ასევე სამოქალაქო საზოგადოების ორგანიზაციებს, რომლებიც ზემოაღნიშნულ სოციალურ პრობლემატიკაზე მუშაობენ.
Civil Pitch-ის მასპინძელია ფონდი ღია საზოგადოება საქართველო, რომელიც საუკეთესო პრეზენტაციის ავტორს $3000 გადასცემს. აღმოსავლეთ-დასავლეთის მართვის ინსტიტუტის სამოქალაქო საზოგადოების განვითარებისა და მოქალაქეთა ჩართულობის პროექტი კი მხარს დაუჭერს თანამშრომლობის შედეგად შექმნილ ერთ პროექტს და $10 000 მოცულობის გრანტით დააფინანსებს.
დოკუმენტური ფილმების კინოფესტივალი Cinedoc-Tbilisi წელს უკვე მეხუთედ ჩატარდება. საერთაშორისო სტუმრებს, კინომოყვარულებსა და ყველა, ამ სფეროთი დაინტერესებულ ადამიანს 11 - 16 მაისის განმავლობაში საინტერესო კინოჩვენებები და სხვადასხვა აქტივობა ელით.
დაინტერესების შემთხვევაში შეგიძლიათ ეწვიოთ CinéDOC-Tbilisi-ის ვებგვერდს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები