ქართული ოცნების დეპუტატის, გია ვოლსკის განცხადებით, გამორიცხულია, რომ სალომე ზურაბიშვილმა მიხეილ სააკაშვილის შეწყალებით "ლაქა დაიდოს".

"სალომე ზურაბიშვილმა გამორიცხულია, რომ ასეთი ლაქა დაიდოს თავისი ცხოვრების შემდგომ მანძილზე. შეიძლება თქვა, რომ ქართულმა სასამართლომ რაღაც გარკვეული სუბიექტივიზმი დაუშვა. არ დაუშვა, ჯერ ეს ერთი, ქართულმა სასამართლომ ზუსტი განაჩენი გამოიტანა და ეს არ არის პიჯაკების საქმე და ყველამ კარგად იცის, რომ ის სერიოზულ თანხაზეა ლაპარაკი. ვალერი გელაშვილი დალეწილი, დანგრეული და მოკლული ფაქტობრივად, იგივე გირგვლიანის მკვლელების შეწყალება და სასათბურე პირობების მოწყობა სტრასბურგის სასამართლოს მიერ არის აღიარებული და კიდევ რამდენიმე საქმე მიმდინარეობს", — ამბობს ის პალიტრანიუსის ეთერში.

მისივე თქმით, პრეზიდენტი არაა ისეთი გულუბრყვილო, რომ საერთაშორისო სასამართლოს დასკვნის გარეშე რაიმე გადაწყვეტილება მიიღოს.

"არსებობს საერთაშორისო სასამართლო და არც სალომე ზურაბიშვილია ისეთი გულუბრყვილო, რომ საერთაშორისო სასამართლოს დასკვნების გარეშე რაიმე გადაწყვეტილება მიიღოს", — აცხადებს ვოლსკი.

27 სექტემბერს მიხეილ სააკაშვილმა სოციალურ ქსელში თვითმფრინავის ბილეთი გამოაქვეყნა, რომლის მიხედვითაც 2 ოქტომბერს ჩამოფრინდება. ბილეთის მიხედვით, ის საქართვლოში დედასთან, გიული ალასანიასთან ერთად ჩამოვა. გუშინ, 28 სექტემბერს, ნაციონალური მოძრაობის თავმჯდომარემ, ნიკა მელიამ სააკაშვილთან საუბარი და მისი სიტყვები გაიხსენა — "აქვს ნათქვამი, მირჩევნია ციხეში ვიჯდე, არ მინდა აქ ყოფნაო".

გაიგე მეტი: