ქართული ოცნების თავმჯდომარის, ირაკლი კობახიძის თქმით, ბავშვებსა და ახალგაზრდებს არ ახსოვთ რა ტიპაჟი იყო მიხეილ სააკაშვილი და ქუჩაში გასვლა ამ თვალსაზრისით, შესაძლოა უკეთესიც იყოს.

"ის რომ ქუჩაში გავიდეს, ეს საერთოდ ბევრად უკეთესიც იქნება ამ თვალსაზრისით იმიტომ, რომ ერთი, რომ მობილიზაციაში უწყობდა ხელს. ბავშვებს აღარ ახსოვთ, ახალგაზრდებს აღარ ახსოვთ რა კლოუნი იყო, რა ტიპაჟი იყო მიხეილ სააკაშვილი, აღარ ახსოვთ როგორ იქცეოდა, როგორ იტყუებოდა, როგორ გაიქცა გორში თვითმფრინავის დანახვაზე და ა.შ. ბავშვები დაინახავენ, ახალგაზრდები დაინახავენ, რა არის მიხეილ სააკაშვილი და კიდევ უფრო გამძაფრდება ის აღქმა, რომ მიხეილ სააკაშვილის არათუ ძალაუფლებაში დაბრუნება არ შეიძლება, არამედ არ შეიძლება ასანთი მიაბარო ელემენტარულად ამ კაცს", — განაცხადა მან რუსთავი 2-ის ეთერში.

27 სექტემბერს მიხეილ სააკაშვილმა სოციალურ ქსელში თვითმფრინავის ბილეთი გამოაქვეყნა, რომლის მიხედვითაც 2 ოქტომბერს ჩამოფრინდება. ბილეთის მიხედვით, ის საქართვლოში დედასთან, გიული ალასანიასთან ერთად ჩამოვა. გუშინ, 28 სექტემბერს, ნაციონალური მოძრაობის თავმჯდომარემ, ნიკა მელიამ სააკაშვილთან საუბარი და მისი სიტყვები გაიხსენა — "აქვს ნათქვამი, მირჩევნია ციხეში ვიჯდე, არ მინდა აქ ყოფნაო".

გაიგე მეტი: