ევროპარლამენტარი ვიოლა ფონ კრამონი ამბობს, რომ პრეზიდენტ სალომე ზურაბიშვილის როლი ბოლო კვირების განმავლობაში, შესაძლოა, გადამწყვეტი იყოს. ევროპარლამენტარი საქართველოში კოალიციური მთავრობის აუცილებლობაზე ზურაბიშვილის განცხადებას აზიარებს და წერს, რომ ეს საქართველოს პრეზიდენტის მნიშვნელოვანი განცხადებაა.

28 სექტემბერს სალომე ზურაბიშვილმა ფრანგულ ჟურნალ JDD-სთან ინტერვიუში თქვა, რომ 9 წლის განმავლობაში სახელისუფლებო უმრავლესობის მიერ დაკომპლექტებული მთავრობის შემდეგ, ნათელია, რომ კოალიციური მთავრობა აუცილებელია. თუმცა, მან, ასევე, დასძინა, რომ რთულია იმის დანახვა, თუ როგორ შეძლებს ფუნქციონირებას კოალიციური მთავრობა, როდესაც პოზიციები ამდენად ანტაგონისტურია.