სერიალების მოყვარულები უკვე დიდი ხანია, ბოლო დროის ერთ-ერთი ყველაზე გახმაურებული სერიალის Stranger Things (უცნაური ამბები) მეოთხე სეზონის გამოსვლას ელოდებიან და ამ შოუს მწარმოებელი სტრიმინგ სერვისი ნეტფლიქსიც მუდმივად აღიზიანებს ფანების ცნობისმოყვარეობას ახალ-ახალი დამაინტრიგებელი სარეკლამო რგოლებით.

მესამე სეზონის დასასრულს უკვე შეგვეძლო თამამად გვევარაუდა, რომ შემდეგ სეზონში სიუჟეტის განვითარების ადგილი შეიცვლებოდა: კარგად ნაცნობმა გმირებმა ჰოუკინსი დატოვეს. ახალი თრეილერით თუ ვიმსჯელებთ, ისინი მეტისმეტად უცნაურ და საშიშ გარემოში აღმოჩნდნენ:

ასეთი დამაინტრიგებელი ვიდეოკადრების შემდეგ, რთულია, კიდევ დიდხანს დაელოდო სრულ სეზონს, მაგრამ, სამწუხაროდ, მეოთხე სეზონის პრემიერა 2022 წლამდე დაგეგმილი არ არის.

ისღა დაგვრჩენია, ვიმედოვნოთ, რომ ახალ სეზონს მომავალი წლის დასაწყისში მაინც ვიხილავთ.

იქამდე კი შეგიძლიათ, დღემდე გამოსულ სხვა ყველა თიზერსა და ინფორმაციას გაეცნოთ, რათა მომზადებული დახვდეთ საყვარელი გმირების ფათერაკებით სავსე თავგადასავლის გაგრძელებას: