ადამიანის უფლებათა ევროპულმა სასამართლომ ალექსანდრე ლიტვინენკოს მკვლელობაზე პასუხისმგებლობა რუსეთს დააკისრა. ყოფილი რუსი ჯაშუში ლიტვინენკო, რომელმაც ბრიტანეთის მოქალაქეობა მიიღო, 2006 წელს ლონდონში პოლონიუმის მოწამვლით გარდაიცვალა.

გაერთიანებული სამეფოს საჯარო გამოძიებამ 2016 წელს დაადგინა, რომ მკვლელობა, სავარაუდოდ, რუსეთის პრეზიდენტის, ვლადიმერ პუტინის მიერ მიერ არის ნაბრძანები. რუსეთი მკვლელობაში მონაწილეობას ყოველთვის უარყოფდა.

გაერთიანებული სამეფოს გამოძიებამ თქვა, რომ კგბ-ს ყოფილმა მცველმა ანდრეი ლუგოვოიმ და კიდევ ერთმა რუსმა დიმიტრი კოვტუნმა რადიოაქტიური ნივთიერების სასმელში ჩადებით ლიტვინენკო შეგნებულად მოწამლეს.

ლიტვინენკოს ქვრივმა მარინამ რუსეთის წინააღმდეგ საქმე სტრასბურგში დაფუძნებულ უფლებათა სასამართლოში შეიტანა. როგორც ლუგოოვომ, ისე კოვტუნმა მკვლელობაში მონაწილეობა უარყვეს.