ჩვენს პლანეტაზე არსებულმა გლობალურმა პრობლემებმა ეკოლოგიაზე ზრუნვის საჭიროება გააჩინა. სწორედ ამიტომ, თანამედროვე სამყაროში გარემოსდაცვითი საკითხები სულ უფრო მეტი ადამიანისთვის იქცა აქტუალურად. მსოფლიოში თანდათანობით ჩნდებიან ეკომეგობრული კომპანიები, რომელთათვისაც ეკოლოგია და მისი ცალკეული საკითხები ისეთივე მნიშვნელოვანი გახდა, როგორც ეს გარემოსდამცველი ორგანიზაციებისა და პირებისთვისაა.

ტოიოტა ცენტრ თეგეტას მწვანე არჩევანი

ჯერ კიდევ 2015 წელს ტოიოტამ მსოფლიოს გამოწვევას უპასუხა და უმნიშვნელოვანესი პროექტი, ეკოგამოწვევა 2050, წამოიწყო, რომელიც ჰიბრიდულ, ელექტრო და წყალბადის ძრავით აღჭურვილ ავტომობილებზე ფოკუსირებას, საწარმოო ნარჩენების გონივრულ მართვასა და ეკოსისტემასთან ჰარმონიულ თანაარსებობას გულისხმობს. მაღალი სოციალური პასუხისმგებლობიდან გამომდინარე, ტოიოტა ცენტრმა თეგეტამ, 2019 წლიდან მწვანე გზა აირჩია, ამ გლობალურ კამპანიაში ჩაერთო და ჰიბრიდული ავტომობილების გაყიდვების წახალისებას შეუდგა. აღნიშნულ წამოწყებას 2021 წელს ტოიოტა ცენტრი ბათუმიც შეუერთდა. ტოიოტა ცენტრი თეგეტას მარკეტინგის მენეჯერი, თეა მანჯავიძე, ეკომეგობრული კომპანიის მიერ განხორციელებული კამპანიის შესახებ საუბრობს:

"უკვე 2 წელია, ყველა მომხმარებელი, ვინც ტოიოტა თეგეტაში ჰიბრიდული ძრავით აღჭურვილ მოდელს შეიძენს, მწვანე გზის კლუბის წევრი ხდება, საჩუქრად გადაეცემა გამწვანების ბარათი, ხოლო ჩვენი კომპანია მის სახელზე აჯამეთის დაცულ ტერიტორიაზე გადაშენების პირას მყოფ მუხის ნერგს რგავს. ტოიოტა ცენტრი თეგეტა ამ კამპანიით გარემოს დაცვის და სოფლის მეურნეობის სამინისტროს დაცული ტერიტორიების სააგენტოს უმნიშვნელოვანეს პროექტს უერთდება, რომელიც რამდენიმე წელია, მიმდინარეობს და აჯამეთის დაცულ ტერიტორიებზე იმერული მუხის აღდგენას გულისხმობს".

აღდგენილი იმერული მუხა

საქართველოს წითელ ნუსხაში შეტანილი, გადაშენების პირას მყოფი იმერული მუხა აჯამეთის აღკვეთილის ერთ-ერთი მთავარი ღირებულებაა. ტოიოტა ცენტრმა თეგეტამ კი უკვე ამ უნიკალური მუხის 1 000 ძირი დარგო. როგორც თეა მანჯავიძე ამბობს ეკომეგობრული კომპანია გარემოზე ზრუნვას განაგრძობს.

"ეს არ არის ერთჯერადი პროექტი, რა თქმა უნდა, მას პერმანენტული ხასიათი ექნება. ჩვენ ძალიან გვიხარია, რომ წვლილი შეგვაქვს ეკოლოგიაზე ზრუნვაში და ვიმედოვნებთ, რომ მომავალში ხეების დარგვის პროცესში ჩვენი მომხმარებელიც აქტიურად ჩაერთვება".

ადამიანები ჯანსაღი გარემოს შესაქმნელად

თანამედროვე სამყაროში ადამიანები ცხოვრების ტემპიდან გამომდინარე, სურვილის მიუხედავად, ეკოლოგიაზე და უკეთესი გარემოს შექმნაზე ზრუნვას ხშირად ვერ ახერხებენ. გამწვანების პროექტი ტოიოტა ცენტრი თეგეტას მომხმარებელს ამ სურვილის ასრულებასა და მიზნისთვის საჭირო ნაბიჯების გადადგმაში დაეხმარა. ტოიოტა ცენტრი ბათუმის მომხმარებელი, ნინო შავაძე, მწვანე გზის პროგრამას ერთ-ერთი პირველი შეუერთდა.

"ყოველთვის მინდოდა, რომ გარემოზე ზრუნვაში ჩემი წვლილი შემეტანა, თუმცა ამას ვერასდროს ვახერხებდი. ტოიოტა ცენტრი თეგეტას გამწვანების პროექტი კი ამის საუკეთესო საშუალება აღმოჩნდა. სწორედ იმ დროს, როდესაც ახალი მანქანის შეძენა გადავწყვიტე, ბათუმში ტოიოტას ოფიციალური ცენტრი გაიხსნა, რომელიც ასევე ჩართულია ამ კამპანიაში. ბევრი არც მიფიქრია და ჩემი არჩევანი ჰიბრიდზე შევაჩერე. გარდა იმისა, რომ ახალი, ეკოლოგიური მანქანით დავდივარ და გარემოს ისედაც ნაკლებად ვაბინძურებ, პარალელურად, ჩემ მიერ გავლილ კილომეტრებთან ერთად ხეებიც ირგვება".

ეკომეგობრული კომპანიების მხრიდან აქტიურობა საზოგადოებაში ცნობიერებას ამაღლებს და მოტივაციას ზრდის. ტოიოტა ცენტრ თეგეტაში აცხადებენ, რომ მათი მომხმარებელი ჰიბრიდული ძრავის მქონე ავტომობილის შეძენისთანავე გზას მწვანე მომავლისკენ ირჩევს და უპირატესობას ეკოლოგიურად სუფთა სამყაროში ცხოვრებას ანიჭებს.