პრეზიდენტი სალომე ზურაბიშვილი 2001 წლის 11 სექტემბერს ტერორისტული ორგანიზაცია ალ-ქაიდას მიერ ნიუ-იორკში, მსოფლიო სავაჭრო ცენტრის ტყუპ ცათამბჯენებზე განხორციელებულ ტერაქტს ეხმაურება. ის ამბობს, რომ გლობალური უსაფრთხოებისთვის ბრძოლაში საქართველოს ყოველთვის ჰქონდა შეჰქონდა თავისი წვლილი.

"20 წლის წინ მსოფლიო შეძრა 9/11-ის ტრაგედიამ. 20 წლის წინ საერთაშორისო საზოგადოება ერთად იდგა გლობალური უსაფრთხოებისთვის ბრძოლაში. საქართველოს ჰქონდა და აგრძელებს თავისი წილის შესრულებას ამ საქმეში.

ჩვენს დროში, გლობალური პასუხი ბოროტებაზე არის სოლიდარობა, გაკვეთილი, რომელიც არასდროს უნდა დავივიწყოთ", — წერს ზურაბიშვილი ტვიტერის ოფიციალურ გვერდზე.

2001 წლის 11 სექტემბერს ალ ქაიდას ტერორისტებმა United Airlines-ის ორი გატაცებული თვითმფრინავი დილით, სამუშაო დღის დაწყებისას ნიუ-იორკის ორ ცათამბჯენს დააჯახა. შედეგად, 2 996 ადამიანი დაიღუპა, მათგან 2 606 სავაჭრო ცენტრში და მის მიმდებარედ იყო.