უკრაინის პრეზიდენტი ვოლოდიმირ ზელენსკი რუსეთთან ფარტოსშტაბიანი ომის საფრთხეს არ გამორიცხავს. ზელენსკიმ აღნიშნა, რომ თუ რუსეთი უკრაინასთან ომს გადაწყვეტს, ეს მოსკოვის ყველაზე დიდი შეცდომა იქნება. Deutsche Welle-ს ცნობით, ზელენსკიმ ამის შესახებ 10 სექტემბერს იალტის ევროპული სტრატეგიის ფორუმის YES Brainstorming-ის მოდერატორის კითხვის საპასუხოდ განაცხადა, რომელიც კიევში ტარდება.

"მგონი შესაძლებელია. ამ საკითხში არის პოტენციალი... ეს რუსეთის ყველაზე დიდი შეცდომა იქნება, ამის შემდეგ რუსეთთან და უკრაინასთან, ბელორუსთან მეზობლობა აღარ იარსებებს", — განაცხადა ზელენსკიმ.

ორ ქვეყანას შორის ურთიერთობებზე საუბრისას, უკრაინის ლიდერმა მედია სივრცეში მოსკოვის ქმედებები გააკრიტიკა და აღნიშნა, რომ პრობლემა დღეს რუსეთის საინფორმაციო პოლიტიკის უკრაინის დამოუკიდებლობის მიმართ უპატივცემულობაში მდგომარეობს.

მან დასძინა, რომ მზად არის რუსეთის პრეზიდენტ ვლადიმერ პუტინს შეხვდეს, მაგრამ ამ შეხვედრას შინაარსობრივი ხასიათი უნდა ჰქონდეს.