გასული საუკუნის 70-იან, 80-იან და 90-იან წლებში ქუჩის ფოტოგრაფმა კრის პორშმა ინგლისის ქალაქი პიტერბორო შემოიარა და უამრავი საინტერესო პერსონაჟი დააფიქსირა. 40 წლის შემდეგ კრისმა საყვარელ ფოტოებზე გამოსახული ადამიანები იპოვა და ძველი ფოტოები ხელახლა გააცოცხლა:

1. დოგი და თინა — 1985 და 2015 წლები

წყვილი ფოტოგრაფმა 1985 წელს დააფიქსირა. მათ დღეს ტყუპები ჰყავთ, თუმცა ერთად აღარ ცხოვრობენ.

2. კოცნა მატარებლის სადგურზე — 1980 და 2009 წლები

პირველი ფოტოს გადაღებისას ტონი უილმოტი 22 წლის იყო, სალი — 21-ის. წყვილი ამავე წელს დაქორწინდა. მათ წარმოდგენა არ ჰქონდათ, რომ ფოტოს უღებდნენ. ფოტო მხოლოდ 30 წლის შემდეგ ადგილობრივ გაზეთში აღმოაჩინეს. ისინი დღესაც ერთად ცხოვრობენ და ორი შვილიც ჰყავთ.

3. ხუთი მორბენალი ბიჭი — 1967 და 2016 წლები

მიუხედავად იმისა, რომ კლასელებმა ცხოვრებაში სხვადასხვა გზა აირჩიეს, წლების შემდეგ ერთმანეთს მაინც შეხვდნენ და ურთიერთობის გაგრძელებას მომავალშიც გეგმავენ.

4. ვარდისფერი მოჰიკანი — 1985 და 2016 წლები

პირველი ფოტო ბაჯერს ფოტოგრაფმა მაშინ გადაუღო, როდესაც პიცის ჭამის კონკურსში იღებდა მონაწილეობას. ის კონკურსის გამარჯვებული გახდა. დღეს ბაჯერს 5 შვილი ჰყავს და როგორც ჩანს, ძველი ვარცხნილობაც ენატრება.

5. დები — 1983 და 2013 წლები

"მახსოვს, ფანჯრიდან ვიჭყიტებოდით და ვუყურებდით, ქუჩაში რა ხდებოდა", — ამბობს ერთ-ერთი და, შეჰნაზი. დები დღემდე პიტერბოროში ცხოვრობენ და ერთმანეთსაც ხშირად ხვდებიან.

6. კარგი მეგობრები — 1985 და 2015 წლები

ისინი დღემდე მეგობრობენ და ახალი ფოტოსთვისაც დიდი სიამოვნებით იპოზიორეს.

7. მეტალის მაიკი — 1980 და 2016 წლები

სტივ ოსბორნი მეტალის მაიკის სახელითაა ცნობილი. მან 80-იან წლებში მოტორბოლაში მონაწილეობისას ორივე ფეხი რამდენჯერმე მოიტეხა. სტივი სხვადასხვა ბენდში გიტარაზე უკრავს და £20,000-ზე მეტი შეზღუდული შესაძლებლობების მქონე ბაიკერების ეროვნული ასოციაციისთვის აქვს შეწირული. სტივს 4 შვილი ჰყავს.

8. ძვირფასეულობის გამყიდველი — 1990 და 2015 წლები

"ადამიანები მიყვარს, ამიტომ ყოველთვის ისეთი სამსახურები მქონდა, რომელიც საზოგადოებასთან მუშაობას გულისხმობს", — ამბობს ვიკი გრეისი, რომელიც დღემდე პიტერბოროში ცხოვრობს.

9. დევიდ ჰარვი და ტიმ გუდმენი — 1980 და 2010 წლები

დევიდ ჰარვი უკვე პენსიაზეა გასული და პოლიციელის მოვალეობებს ამჟამად მისი შვილი ასრულებს. ფოტოზე გამოსახულ ბავშვს, ტიმ გუდმენს დღეს 6 შვილი ჰყავს და წარმატებული ბიზნესმენიცაა.

10. ქაუნთის სკოლის გოგოები — 1979 და 2016 წლები

სანდრა უილიამსის, კარმენ ჩინისა და მაურინ მეიერსის გზები ამ ფოტოს გადაღების შემდეგ გაიყო, თუმცა კადრის ხელახლა გასაცოცხლებლად კიდევ ერთხელ შეიკრიბნენ და წარსულიც დიდი სიამოვნებით გაიხსენეს.

11. ნაყინები — 1981 და 2015 წლები

ფოტოს გადაღებისას დონა 5 წლის იყო, სტივენი კი — 3-ის. რამდენიმე წლის შემდეგ და-ძმა სხვა სახლში გადავიდა, ამიტომ ფოტოს გასაცოცხლებლად უკან დაბრუნება მათთვის ძალიან ემოციური იყო.

12. ტასბირის პირველი სამსახური — 1982 და 2016 წლები

ფოტოებზე ტასბირის პირველი სამსახურია გამოსახული, სადაც ის 4 წლის განმავლობაში მუშაობდა.