ლორენ მეინერსი მიუსაფარ ცხოველებზე ზრუნვაში ყოველთვის აქტიურადაა ჩართული. ის თავშესაფარში ცუგებსა და ფისოებს უვლის და მათ მყუდრო სახლის პოვნაში ეხმარება.

ორსულობის პერიოდში ლორენს საყვარელ საქმიანობაზე დროებით უარის თქმა მოუწია, თუმცა როდესაც მაკე კატა, სახელად დავი დაშავებული იპოვა, ის მაშინვე სახლში წაიყვანა და უმკურნალა.

ლორენი და დავი მალე საუკეთესო მეგობრები გახდნენ. ახალმა პატრონმა კატა ვეტერინართან წაიყვანა და ლორენი დარწმუნდა, რომ დავის კნუტებს საფრთხე არ ემუქრებოდათ. ისიც აღმოაჩინა, რომ დავსა და ლორენს შვილები დაახლოებით ერთ დროს ეყოლებოდათ.

ფოტო: mama.maners / Instagram

მართლაც, როდესაც ლორენი ქმართან და შვილთან ერთად საავადმყოფოდან სახლში დაბრუნდა, დავი 6 უსაყვარლეს კნუტთან ერთად დახვდა.

ლორენი და დავი კვლავ საუკეთესო მეგობრები არიან, ხოლო ლორენის შვილი 6 ერთგულ კნუტთან ერთად გაიზრდება.