კვლევებისა და კონსულტაციის გლობალური კომპანია ACT-იმ ჩაატარა კვლევა, რომელიც იკვლევს თბილისის მოსახლეობის დამოკიდებულებას რელიგიასთან.

გამოკითხვით, რომელშიც მონაწილეობა შემთხვევით შერჩეულმა 400-მა ზრდასრულმა თბილისელმა მიიღო, აღმოჩნდა, თბილისის მოსახლეობის 86% თვლის რომ რელიგიურია.

ჩატარებული კვლევის მიხედვით, ამ 86%-დან, მხოლოდ 5% არ დადის ეკლესიაში. თუმცა, ეკლესიაში სიარული არც თუ ისე ხშირი ქცევაა – უმრავლესობა (63%) ეკლესიაში თვეში ერთხელ, ან უფრო იშვიათად დადის.

რელიგიური თბილისელების 58% აცხადებს, რომ არასდროს დაუცავს მარხვა. 16% კი ხშირად იცავს მას.

კვლევაში დაკონკრეტებული არაა, რომელ რელიგიურ ჯგუფთან აიგივებენ თავს გამოკითხული პირები.

ფოტო: ACT

გამოკითხვა 2017 იანვარში ჩატარდა. ACT აცხადებს, რომ მონაცემთა სტატისტიკური ცდომილება არ აღემატება 4,9%-ს. კვლევისას გამოყენებული მეთოდია პირისპირ ინტერვიუ.