ყვარლის ტბის მიმდებარედ ტყეში გაჩენილი ხანძარი ლოკალიზებულია. საგანგებო სიტუაციების მართვის სამსახურის განცხადებით, ადგილზე სიტუაცია კონტროლს ექვემდებარება და მიმდინარეობს აქტიური სალიკვიდაციო სამუშაოები.

მათივე ინფორმაციით, მეხანძრე-მაშველების გადმოცემით ხანძარი გავრცელებულია ფოთლოვანი ტყის ქვედა საფარზე.

უწყებაში ამბობენ, რომ ხანძრის სალიკვიდაციო სამუშაოებში ამ დროისთვის ცოცხალ ძალასთან ერთად, ჩართულია შინაგან საქმეთა სამინისტროს სასაზღვრო პოლიციის ვერტმფრენი.