"ბატონ პრემიერს ვთხოვდი, რომ კიდევ უფრო მეტი ისაუბროს ჩემზე", — ასე პასუხობს გიორგი გახარია ჟურნალისტების კითხვებს პრემიერმინისტრ ღარიბაშვილის განცხადებებზზე, სადაც ის გახარიას აკრიტიკებს.

"საქართველოს პრემიერზე მე არ ვსაუბრობ, საქართველოს პრემიერმა გააგრძელოს ჭორაობა ჩემზე", — ამბობს ექსპრემიერი.

დღეს, 4 სექტემბერს ირაკლი ღარიბაშვილმა ჩამოთვალა, რა იყო ინსტიტუტების "დანგრევა და დაკნინება" ყოფილი პრემიერმინისტრის დროს. მათ შორის, "მელიას გამო გადადგომა", პანკისის სპეცოპერაცია, კლუბებში ჩატარებული სპეცოპერაცია და გავრილოვის ღამე. დღესვე, პრემიერმინისტრმა წინამორბედზე თქვა, რომ "კაცი არავინ არ იყო, ჩამოვიდა მოსკოვიდან", ენდნენ, "ჩააცვეს, დაახურეს" და დღეს გუნდს "უთავმოყვარეოდ" აკრიტიკებს.