დეპუტატი სალომე სამადაშვილი ქართულ ოცნებას ჩაძირულ გემს ადარებს და ამბობს, რომ პრეზიდენტი სალომე ზურაბიშვილი არ აპირებს, ამ ჩაძირულ გემს თან ჩაყვეს. ასე შეაფასა მან პრეზიდენტის კრიტიკული განცხადებები მმართველი გუნდის მიმართ.

"ქართული ოცნების მომავალს ვეღარ ხედავს ვერავინ, ვისაც შეუძლია უბრალოდ, ანალიზი გაუკეთოს როგორც იმას, თუ რა ხდება საზღვარგარეთ, რა დამოკიდებულებაა ქართული ოცნების მიმართ. ასევე, ვინც ხედავს, ცხადია, ქვეყნის შიგნით არსებულ ვითარებას, და, რა თქმა უნდა, ჩაძირულ გემს თან ჩაყვეს, მითუმეტეს სალომე ზურაბიშვილი, შეიძლება ბევრ რამეში არ ვეთანხმებოდეთ, მაგრამ ის იყო ფრანგული დიპლომატიური სამსახურის წევრი, ის მუშაობდა საკმაოდ მაღალ თანამდებობაზე საერთაშორისო ასპარეზზე, მე ვფიქრობ, რომ ის ცხადია, არ აპირებს, რომ საკუთარი საერთაშორისო რეპუტაცია თან გააყოლოს ქართულ ოცნებას" — აცხადებს სამადაშვილი მთავარი არხის ეთერში.

საქართველოს პრეზიდენტის, სალომე ზურაბიშვილის განცხადებით, ევროკავშირის დახმარებაზე უარის თქმა მისთვის გაუგებარი ნაბიჯია. ამის შესახებ მან საგანგებო ბრიფინგზე ისაუბრა.

საქართველომ ევროკავშირის მაკროფინანსური დახმარების მეორე ნაწილზე უარი თქვა.