ეკონომიკის მინისტრის, გიორგი გახარიას თქმით, Check In Georgia-ს ბიუჯეტი შარშანდელთან შედარებით ბევრად ნაკლები იქნება და ამასთან ღონისძიებების რაოდენობა გაიზრდება.

გახარიას თქმით, პროექტი გახდება უფრო ეფექტიანი.

მინისტრი აცხადებს, რომ აეროსმიტის კონცერტი იქნება ბოლო, როდესაც სახელმწიფომ 100 პროცენტით უზრუნველყო ღონისძიების გამართვა. მისივე თქმით, იქნება კერძო სექტორის მეტი ჩართულობა და სარეკლამო პაკეტებიც.

გახარიას თქმით, არ იქნება სახელმწიფოს 100%-იანი მონაწილეობა, არამედ იქნება სახელმწიფოს თანამონაწილეობა მსგავსი ღონისძიებების მოწყობაში:

„აეროსმიტის კონცერტის შემდგომ დაგეგმილია დღეების მიხედვით კონცერტების რაოდენობა, რომელიც იქნება ფაქტობრივად დატენდერებული. ძალიან მომხიბვლელ და კარგ, ოპტიმალურ პირობებით, რათა სხვადასხვა სააგენტოებმა, პრომოუტერებმა, არა მხოლოდ უცხოელებმა, არამედ ქართველებმა ამაში მიიღონ მონაწილეობა.“