გიორგი გაბუნიას გადაცემა არჩევანში ოდესის გუბერნატორმა განაცხადა, რომ ნაციონალური მოძრაობა არის იდეების პარტია და არა პიროვნებების პარტია:

"ნაციონალური მოძრაობის ტრადიციაა, ვინც გამოიჩენს თავს, ის წავა წინა პლანზე. იქნება ეს სრულიად ახალი ხალხი - სრულიად ახალი ხალხი წავა წინა პლანზე".

სააკაშვილის თქმით, ეს არ ნიშნავს, რომ პარტია დამსახურებულ ხალხს გაწირავს:

"მათაც მოეძებნებათ თავისი გამოყენება, ეს არის ძალიან დიდი გამოცდილება. თუმცა, როგორც ხედავთ ჩვენ მივაღწიეთ კონსესუსს ახალ ხალხზე".

სააკაშვილის თქმით, მომავალი თვეები იქნება გადამწყვეტი საქართველოსთვის ახალი პოლიტიკური ელიტის ჩამოსაყალიბებლად.

"ამავდროულად, ნაციონალური მოძრაობა არის ჩემი შექმნილი პარტია, და ამაში არავინ არ მეპაექრება და რათქმაუნდა მანდ სიტყვა მეთქმის. ერთდროულად ჩვენ ყველას უნდა გვესმოდეს, რომ ჩვენი საერთო ხედვა გამარჯვებაა".

სააკაშვილის თქმით, ნაცმოძრაობის გამარჯვება გარდაუვალია და პარტია ახალი სახეების მიღებას განაგრძობს.