27-30 ივლისს ბათუმში შავი ზღვის სანაპიროზე შავი ზღვის რიგით მეთერთმეტე ჯაზ-ფესტივალი გაიმართება. კონცერტი 4 დღის განმავლობაში ყოველ საღამოს ბათუმის ჩოგბურთის კლუბში გაიმართება.

2017 წლის ჯაზ-ფესტივალის მონაწილე მუსიკოსები არიან: Jamiroquai, Joss Stone, De La Soul, Cory Henry and the apostles, MF robots.

ფესტივალს გახსნის Cory Henry and the apostles-ის კონცერტი.

ჯემიროქვაი ფესტოვალის მეორე დღის ჰედლაინერი იქნება და ძველ ჰიტებთან ერთად წარმოადგენს ახალ ალბომს, რომელსაც მარტში უშვებს. ბათუმი სწორედ იმ ქალაქებს შორისაა, სადაც მისი ახალი ალბომის პრეზენტაცია შედგება.

ფესტივალის ორგანიზატორია ისთერნ პრომოუშენი. ბილეთების გაყიდვა დაიწყება 27 მარტს, დილის 9 საათზე, tkt.ge- ზე.

ბილეთის ფასი სამივე დღეზე, ე.წ. ოქროს ზონაში, 400 ლარი იქნება, მხოლოდ ჯემიროქვაის კონცერტზე დასწრება კი - 250 ლარი. ე.წ. სილვერზონაში ერთი დღე - 100 ლარი,
მხოლოდ ჯოს სტოუნის კონცერტი - 150 ლარი, ასევე 150 ლარი ეღირება მხოლოდ დე ლა სოულის კონცერტზე დასწრება.

ორგანიზატორების ცნობით, ბილეთებზე 20-პროცენტიანი ფასდაკლება ექნებათ "თი ბი სი სტატუსის" მფლობელებს.