რამდენიმე გრემის მფლობელი ახალზელანდიელი შემსრულებელი და სიმღერების ავტორი Lorde ახალი ალბომით, სახელად Solar Power დაბრუნდა. მომღერალმა რიგით მესამე ალბომით ერთგული მსმენელები 4-წლიანი პაუზის შემდეგ გაახარა. ახალი ალბომის გარეკანი მომღერალმა ივნისში გამოაქვეყნა.

ახალი ალბომი 12 სიმღერისგან შედგება. Lorde-ის თქმით, ახალი ალბომი იმ ღრმა გრძნობების უკვდავყოფას ემსახურება, რომლებიც მომღერალს გარეთ, ბუნებაში ყოფნისას ეუფლება. ახალი ალბომის მოსმენა Spotify-ზეა შესაძლებელი.

ფოტო: Lorde

მაისში Lorde ბარსელონაში 2022 წლისთვის დაგეგმილ მასშტაბურ ფესტივალ პრიმავერა საუნდზე გამომსვლელთა შორის დასახელდა სხვა ცნობილ პოპვარსკვლავებთან ერთად.

ახალზელანდიელმა მუსიკოსმა ასევე გასულ თვეში მიიღო განსაკუთრებული ჯილდო — 2013 წელს გამოსული მისი ჰიტი, Royals, ციფრულ სტრიმინგ პლატფორმებზე ჯამში მილიარდჯერ მოისმინეს.

ელა მარია ლენი იელიჩ-ო'კონორის, იგივე ლორდის ამ დროისთვის ბოლო ნამუშევარი, მეორე სტუდიური ალბომი Melodrama 2017 წელს გამოვიდა. გასულ წელს მომღერალმა განაცხადა, რომ ანტარქტიდაზე მოგზაურობის შემდეგ ყინულოვანი კონტინენტი მისთვის წიგნისა და ახალი ალბომის შთაგონების წყაროდ იქცა. წიგნი, სახელწოდებით სამხრეთისკენ სვლა, 2021 წელს გამოიცემა და მისი გაყიდვიდან შემოსული თანხა კლიმატის ცვლილების თემაზე ერთ-ერთი სტუდენტის დოქტორის ხარისხის მოსაპოვებელ კვლევას დააფინანსებს