პროკურორი ჯარჯი წიკლაური უკვე შევიდა ე.წ. მატროსოვის ციხეში დეკანოზ გიორგი მამალაძის დასაკითხად. პროკურორის თქმით, ბრალდებულს მოუწევს პასუხი გასცეს კითხვებს:

"ფაქტობრივად მას ამოეწურა ყველა საბაბი, რატომაც კრიტიკულ შეკითხვებს თავს არიდებდა, რა ტქმა უნდა, თუ დღესაც არ დაასახელებს რაიმე მიზეზს.ადრე თუ გვიან, მას მოუწევს პასუხის გაცემა და სწორედ ამ მიზეზით ვხვდებით მას".

გიორგი მამალაძე ბოლოს 27 თებერვალს დაკითხეს და მისი დაკითხვა მას შემდეგ არაერთხელ გადაიდო. მიზეზთა შორის იყო თავად მამალაძის შეუძლოდ ყოფნა და მისი ოჯახის უსაფრთხოების დაუცველობა.

გიორგი მამალაძე მიმდინარე წლის თებერვალში, თბილისის საერთაშორისო აეროპორტში იმ დროს დააკავეს, როცა ის ბერლინში მიემგზავრებოდა. პროკურატურის მტკიცებით, ის გერმანიაში გეგმავდა ციანიდით მოეწამლა პატრიარქის მდივან-რეფერენტი, შორენა თეთრუაშვილი. მამალაძე ბრალდებებს უარყოფს.

გაიგეთ მეტი ციანიდის საქმეზე.