დიღმის ოლიმპიური სოფლის ერთ-ერთ სპორტულ დარბაზში საველე ჰოსპიტალი მოეწყობა. Palitra News-მა გაავრცელა კადრები, სადაც ჩანს, რომ შენობაში შეიტანეს საწოლები და სხვა საჭირო ტექნიკა.

ჯანდაცვის სამინისტროში On.ge-ს დაუდასტურეს, რომ იქ საველე ჰოსპიტალს აწყობენ. მათი თქმით, დამატებით დეტალებზე ჯანდაცვის მინისტრი ხვალ ისაუბრებს.

11 აგვისტოს ეკატერინე ტიკარაძემ განაცხადა, რომ სამინისტრო უკვე ზრუნავს იმ სივრცეების მობილიზებაზე, სადაც, შესაძლოა ე.წ. საველე ჰოსპიტლები განათავსონ. ტიკარაძის თქმით, ეს მისთვის ძალიან არასასურველი გადაწყვეტილება იქნება, თუმცა შიდა ჯგუფებში მაინც საუბრობენ ე.წ. საველე ჰოსპიტლების საჭიროებაზე.