ჭყონდიდის მიტროპოლიტმა პეტრემ დღეს, იმედის ეთერში რამდენიმე დღის წინ ჩატარებულ სინოდის სხდომაზე ისაუბრა.

მისი თქმით, გარდა იმისა, რომ საპატრიარქოს ტელევიზიის დირექტორობის თანამდებობა ჩამოართვეს, იყო მცდელობა რომ ჭყონდიდის ეპარქიიდანაც ჩამოეცილებინათ და სხვა ეპარქიაში გადაეყვანათ. მისი თქმით, ეს ერთ-ერთი პირველი განსახილველი საკითხი იყო, რომელიც პატრიარქმა წამოაყენა:

"უწმინდესობის ერთ-ერთ პირველი აზრი იყო. მან იგი თვითონ წამოაყენა, რაზეც მე არ დავთანხმდი. მისი აზრი იყო, რომ ეპარქიის ცვლილება მომხდარიყო. როდესაც დაინახეს ჩემი კატეგორიული პოზიცია, ამ საკითხთან მიმართებით, მღვდელმთავრებმა გამოთქვეს თავიანთი აზრი, რომ ეს იქნებოდა ამ ეტაპზე არასწორი".