საქართველოს ოკუპირებულ ტერიტორიებზე მაცხოვრებლებს შეუძლიათ, ვაქცინაცია წინასწარი რეგისტრაციის გარეშე ჩაიტარონ. დევნილთა სააგენტოს დირექტორის, ბესარიონ სიმონიშვილის განცხადებით, ოკუპირებული ტერიტორიებიდან გადმოსული მოქალაქეებისთვის იმუნიზაციის კაბინეტები რუხის რესპუბლიკურ საავადმყოფოში მოეწყო.

მისივე თქმით, რუხის კლინიკაში აცრის ჩატარება ქვეყანაში არსებული ოთხივე ვაქცინით არის შესაძლებელი.

როგორც ცნობილია ოკუპირებულ რეგიონებში ვაქცინაცია რუსული ვაქცინით, სპუტნიკით მიმდინარეობს.