IRI-ის კვლევის მიხედვით, გამოკითხული მოსახლეობის 68% ევროკავშირში გაწევრიანების მომხრეა, 15% — გარკვეულწილად მომხრეა, 4% — გარკვეულწილად წინააღმდეგი, ხოლო 7% წინააღმდეგი. ამასთან, ამ კითხვაზე პასუხი არ აქვს 6%-ს.

რაც შეეხება NATO-ს, გაწევრიანებას მხარს უჭერს გამოკითხულთა 61%, 16% — გარკვეულწილად მომხრეა, 6% — გარკვეულწილად წინააღმდეგი, 11% კი წინააღმდეგი. კითხვაზე პასუხი არ აქვს 6%.

ფოტო: IRI

ფოტო: IRI

კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2021 წლის 15-30 ივნისის პერიოდში. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1 500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2,5 პროცენტს, გამოპასუხების მაჩვენებელი — 74 პროცენტი.