ჯანდაცვის მინისტრის, ეკატერინე ტიკარაძის განცხადებით, პანდემიასთან ბრძოლის მთავარი ინსტრუმენტი მოსახლეობის თვითორგანიზება, ნიღბის ტარება და სოციალური დისტანციაა. მინისტრი ამბობს, რომ იმუნიზაცია ამ ბრძოლაში მხოლოდ "დამატებითი ბენეფიტია".

"ყველაზე წარმატებული ინსტრუმენტი იმისათვის, რომ ჩვენ პანდემიას ვებრძოლოთ, ეს არის თვითორგანიზება, ნიღბის ტარება და სოციალური დისტანცია. ხოლო იმუნიზაცია, ეს არის ის დამატებითი ბენეფიტი, რომელიც თითოეულ ადამიანს შეიძლება ჰქონდეს. ეს პროცესიც საქართველოში დაიწყო ერთ-ერთი ყველაზე მაღალხარისხოვანი ვაქცინით. თქვენ ხედავთ, რომ ხელმისაწვდომობა მოსახლეობას ამისთვის აქვს", — განაცხადა ეკატერინე ტიკარაძემ.

ჟურნალისტის კითხვას, ეპიდვითარების გაუარესება ხომ არ არის დაკავშირებული იმუნიზაციასთან დაკავშირებულ პრობლემებთან, ჯანდაცვის მინისტრმა ასე უპასუხა:

"მთავარი პრობლემა ქვეყანაში იმუნიზაცია არ არის, ვინაიდან, იმუნიზაციის პროცესშიც კი ხშირი არის ინფიცირება. ჩვენ ვაკვირდებით დღესდღეობით სხვადასხვა ქვეყანას, რომელიც ძალიან წარმატებული იყო იმუნიზაციაში, თუმცა იქ ინფექციის გავრცელება მაინც არის".

გაიგე მეტი: