ვითიბი ბანკის ჭავჭავაძის ფილიალში უცხო პირი, სავარაუდოდ, სახურავიდან შევიდა. როგორც ბანკის პრესსამსახურის წარმომადგენელი On.ge-სთან ამბობს, ის, სავარაუდოდ ღვინის ქარხნიდან შევიდა, თუმცა თანხა არ მოუთხოვია, არც რაიმე ულტიმატუმი არ წამოუყენებია და ბანკი თავისივე ნებით დატოვა.

"ახლა აქამდე გარკვეულია ის, რომ ეს უცნობი ადამიანი შემოვიდა ბანკის ჭავჭავაძეზე მდებარე ფილიალში. სავარაუდოდ, გადმოვიდა იქვე მდებარე ღვინის ქარხნიდან. შემოვიდა არასამუშაო დროს, მაგრამ შემოსული არის საოფისე ზონაში, ეს იმას ნიშნავს, რომ ყაჩაღობა არ არის აქტუალური და დადგინდა, რომ ეს ადამიანი არ იყო ფხიზელ მდგომარეობაში, იყო, სავარაუდოდ, მთვრალი. როგორც მიხსნიან, გაჭრილია კარი ღვინის ქარხნიდან და ბანკში შემოვიდა სახურავიდან. წაღებული არაფერი არ არის", — ამბობს ის.

როგორც On.ge-ს შინაგან საქმეთა სამინისტროში განუცხადეს, საქმეზე გამოძიება სისხლის სამართლის კოდექსის 151-ე და 19/177 მუხლებით მიმდინარეობს, რაც გულისხმობს მუქარასა და ქურდობის მცდელობას.