რუსული ოპოზიციური გამოცემის, Novaya Gazeta-ს კორესპონდენტის, ილია აზარის თქმით, ის 23 ივლისს საქართველოში არ შემოუშვეს და არც მიზეზები განუმარტეს.

"თავიდან (დიდი ხანია) გავხდი პერსონა ნონ-გრატა აზერბაიჯანში (ყარაბაღზე მომზადებული რეპორტაჟის გამო). ახლახან, ასევე ყარაბაღიდან სტატიის გამო სომხეთში მუშაობა ამიკრძალეს არჩევნებზეც კი, დღეს კი საქართველოში არ შემიშვეს და მიზეზებიც არ განმიმარტეს. კავკასიური ფულჰაუსი. ძალით დამსვეს თვითმფრინავში", — წერს ჟურნალისტი ფეისბუქგვერდზე.

ფოტო: Ilya Azar / Facebook

როგორც On.ge-ს შინაგან საქმეთა სამინისტროში განუცხადეს, აღნიშნულ პირს კანონის უცხოელთა და მოქალაქეობის არმქონე პირთა სამართლებრივი მდგომარეობის შესახებ მე-11 მუხლის საფუძველზე ეთქვა უარი.